Popular Posts

Saturday, July 20, 2013

ဘ၀စစ်မြေပြင်ဝယ် ဗျူဟာသစ်နဲ့ တိုက်ကြမယ်။

နေ့စဉ်ကျင်လည်နေရတဲ့ဘ၀ကို ကျနော်စဉ်းစားကြည့်မိတယ်။ တကယ်တော့ စစ်မြေပြင်မှာ တိုက်ပွဲဝင်နေရတဲ့ တပ်သားတွေနဲ့ လာတူနေပါလားဆိုတဲ့အတွေးလေး ၀င်လာလို့ ဒီစာလေးချရေးဖြစ် သွားတာပါ။ ဘာလို့လဲဆိုတော့ မနက်မိုးလင်းလို့ မျက်လုံးလေးဖွင့်လိုက်တာနဲ့စပြီး အာရုံတွေရဲ့ တိုက်ခိုက်တာ ခံရပါပြီ။ ကိုယ်မနှစ်မြို့တဲ့ အာရုံတွေ မြင်လိုက်ရရင်ပဲ စိတ်ကလေးက မကြည်လင်တော့ဘူးနော်။ ဒီလိုပါပဲ စကားလုံး စက်သေနတ်တွေနဲ့လည်း အပစ်ခံနေရပြန်ပါတယ်။ ကိုယ်မကြိုက်တဲ့ မကြားချင်တဲ့ အသံမျိုးနဲ့ အပစ်ခံ ရတဲ့ အခါ ဒီစိတ်လေးမှာ ဒဏ်ရာတွေရရပြန်ပါတယ်။ ဒီကြားထဲက ကိုယ်က မခံနိုင်လို့ ပြန်ပစ်ရာက သူတစ်ပြန် ကိုယ်တစ်လှည့်  အပြန်ပြန် စကား သေနတ်နဲ့ တစ်ယောက် တစ်ယောက် ပစ်ကြရင်းက တိုက်ပွဲတွေပြင်းထန်လို့ ဒဏ်ရာတွေက မသေရုံတမယ် ခံစားရတာမျိုးတွေလည်း ကြုံကြရပြန်ပါတယ်။ သြော် ဒါတွေသည် ကြိုတင်ချိန်းဆိုထားခြင်း မရှိပဲ အချိန်မရွေး တိုက်နေရတဲ့ တိုက်ပွဲတွေပါလားလို့ မြင်လာရပါပြီ။
ဒါဆိုရင် တို့တွေဟာ တိုက်ပွဲတွေနေ့စဉ် အချိန်မရွေး အကြောင်းတိုက်ဆိုင်တိုင်း တိုက်နေရမှတော့ ဆင်းရဲမလား ၊ ချမ်းသာမလား တွေးကြည့်ပေတော့။ အင်း ဒီကြားထဲက ချုံခိုတိုက်တဲ့ မမြင်နိုင်တဲ့ အတွေး တိုက်ပွဲက ပိုတောင် ဆိုးနေပါသေးတယ်။ တစ်ခါတလေများ စိတ်ကလေး ကြည်လင်နေရာကနေ မကျေနပ်တဲ့ အတွေးလေးတွေက အလစ်ချောင်းပြီး ၀င်ဝင်လာလို့ လူဟာ ချက်ချင်း ညိူးနွမ်းသွားလိုက်တာ။ တိုက်ပွဲက တန်းကျသွားပြီလေ။ လက်မြှောက်အရှူံးပေးလိုက်ရပြီလေ။ ထမင်းတောင် မမြိုနိုင် လောက်အောင်ထိ ဖြစ်သွားရတာနော်။ ဒါဘာကြောင့်လည်းဆိုတော့ အတွေး တိုက်ပွဲကို နိုင်အောင် မတိုက်နိုင်လို့ပေါ့။
အင်း ဒီလိုကြီးသာဆို လူလည်း ဘယ်တော့ မှ ရွှင်လန်းနိုင်မှာ မဟုတ်တော့ဘူးပေါ့။ အာရုံငါးပါး ကာမဂုဏ် ရန်သူတွေက အပြင်က ၀ိုင်းထားနေပြီ။ အတွင်းမှာ ပုန်းခို ချောင်းမြောင်းပြီး ဒုက္ခပေးမယ့် အတွေးတွေကလည်း အလစ်ချောင်းလို့ အဆင်သင့် တိုက်ဖို့ ပြင်နေကြပြီ။ ဒီရန်တွေကို ဘယ်လိုလွတ်အောင် ရှောင်ရပါ့မလဲ။ ဒီနေရာမှာ ဦးနှောက်စားရပြီပေါ့ ။  ကိုယ့်ဘက်  ကတော့ နံပါတ်တစ်  အရေး   အကြီးဆုံး
စစ်ဆင်ရေး အနေနဲ့ “ သတိ “ တရားလေးကို ဦးအောင် ရှေ့ပြေးအနေနဲ့ နေရာယူထားရမယ်။ ဒီလိုသတိ အထူးကြပ်ကြပ်မတ်မတ်ကို ထားနိုင်ပြီဆိုရင်တော့ ၀င်လာမယ့် ရန်သူတွေကို မလွတ်တမ်းစောင့်ကြည့်နေ ရပါမယ် ။ စောင့်ကြည့်ရင်းက ၀င်လာပြီဆိုတာ သိတာနဲ့ တန်းပစ်ပေတော့။
           “ သမင် မွေးရင်း ၊ ကျားစားရင်း “ ဆိုသလို တစ်မျိုးဝင် လာရင် ဒီတစ်မျိုးကို သတိနဲ့ တန်းသိပေး နေနိုင်ဖို့ ဥာဏ်မျက်လုံးဖွင့် နားကိုစွင့်လို့ တိုက်ပေးရမယ်။ တိုက်တဲ့အခါမှာ ကျည်ဆန်က အရေးကြီးတယ်နော်။ တို့ပြန်တိုက်မယ့် “ကျည်” က ဗြဟ္မစိုရ် တရား (၄) ပါး ၊ တစ်ပါးပါးနဲ့ ပြန်ခံနိုင်ရမယ်။ ကိုယ့်ကိုယ် အမြဲ ရန်ရှာနေတဲ့ ဒေါသူပုန်ကိုတော့ မေတ္တာ ကျည်တောင့်တွေ ပစ်လွတ်ပေး လိုက်ပါ။ သြော် စိတ်ကလေး ငြိမ်းချမ်း ရှာပါစေလို့ စိတ်ထဲက အကြိမ်ကြိမ် တရစပ် မေတ္တာဓါတ်တွေ အတွဲလိုက် ပစ်ပေးလိုက်ပါ။ နောက်တစ်ခါ သိပ်ကို လိုချင်ရမ္မက်ကြီးနေတဲ့ လောဘ ရန်သူတွေနဲ့ တွေ့တဲ့အခါ သနားစိတ်လေးနဲ့ ကရုဏာပွားပေးလိုက်ပါ။ သြော်သူခမျာဒါလေးလိုချင်တာနဲ့ ဒီလောက်တောင် ပင်ပန်းနေရှာတယ်၊ သြော် ဆင်းရဲရှာတယ်လို့ သနားစိတ် လေးထားပြီး ကရုဏာ ကျည်ထောင့်လေးနဲ့ ပြန်ပစ်လိုက်ပါ။
          တစ်ခါတလေကျတော့ သူတစ်ပါးထက် ကိုယ့်ကို အရေးပေးခံ ရတဲ့အခါ၊ ကိုယ်အောင်မြင်တာကို မြင်ရတဲ့အခါ ကိုယ့်အပေါ်မှာ မနှစ်မြို့နိုင် တဲ့ ရန်သူတွေနဲ့လည်းတွေ့ရနိုင်တယ်လေ။ အဲဒီအခါမှာ ၀န်တိုတာ၊ မနာလို တာတွေ ဖုံးပြီး ဒုက္ခတွေရောက်နေရတဲ့ ရန်သူတွေရဲ့ တိုက်ခိုက်မှုတွေလည်း ကြုံရမှာပါပဲ။ ဒါသည်ပင် “မုဒိတာ” မပွားနိုင်ရှာလို့ ပင်ပန်းနေရပါလား။ အင်း မုဒိတာ မပွားနိုင်လို့ပဲ လောဘ၊ ဒေါသ၊ မောဟတွေနဲ့ တရှူးရှူး၊ တရှဲရှဲ ဖြစ်နေရှာပြီ။  အမြန်ဆုံးအေးချမ်းနိုင်ပါစေလို့ ဒီလို နှလုံးသွင်း လေးနဲ့ သူ့ရဲ့  actionကို ကိုယ်ကပြန်ပြီးreactလုပ်ပေးပါ။
          မီးလို ကျစ်ကျစ်တောက် ပူလောင်နေရှာတဲ့ သူ့ရဲ့နှလုံးသားလေးကို မေတ္တာ ၊ ကရုဏာ ၊ စိတ်ကလေးတွေနဲ့ ပက်ဖြန်းပေးလိုက်ပါ။ ဒီလိုဆိုတော့ သူလည်း ငြိမ်းချမ်းသလို သူ့ရဲ့အပူတွေ ကိုယ့်ဆီ မ၀င်လာနိုင် တော့ပါဘူး။ အင်း ပြောသာပြောရပါတယ်။ တစ်ခါတရံကျပြန်တော့လည်း ကိုယ့်ဘက်က ဘယ်လိုပင်ကောင်းသော နှလုံးသွင်းနဲ့တုံ့ပြန်ပါစေ။ တစ်ဖက်လူမှာက စစ်ပြေငြိမ်းဖို့အရိပ်အရောင်တောင် မမြင်နိုင်တဲ့ အခြေအနေမျိုးတွေလည်း ကြုံရတတ်တယ်။ အဲဒီအခါကျတော့ ဘယ်လိုနှလုံးသွင်းပေးရမလဲဆိုရင်  သြော်သူလည်း ပူလောင်တာနဲ့ ထိုက်လို့ ပူလောင်နေရရှာပြီ။ သူ့ပူလောင်မှုကို သူပဲဖန်တီးလို့ သူပြန်ခံရတာ ပဲလေ။ ဒီပူလောင်မှုကို သူကိုယ်တိုင် ငြိမ်းမှ ငြိမ်းနိုင်တော့မှာပဲ ငါကဘာများတတ်နိုင်မှာမို့လဲလို့ ဥပေက္ခာ နှလုံးသွင်း နဲ့ တိုက်ကွက်ပြောင်းပေးရပါမယ်။
          အင်း ဒါတောင် ဒီလို ဥပေက္ခာ ပြုထားတဲ့ကြားက သူ့အကြောင်း တွေက အတွေးထဲမှာ ခဏခဏ တိုက်ခံနေရပြန်ရင်တော့ အဓိဌါန်နဲ့သာ စစ်ဆင်ရေးပြောင်းပေတော့။ ငါသည် ဒီနေ့ တစ်ရက်တာအတွင်း ဒီလူနဲ့ ပတ်သက်လို့ တစ်စုံတရာ တွေးတောခြင်းမပြုတော့ပါ။ သူ့အကြောင်းကို သူ့ရှေ့မှာလည်း မပြောသလိုကွယ်ရာမှာလည်းမပြောတော့ပါ။ သူနဲ့ပတ်သက် လို့ ဒီတစ်ရက်တာတော့ ကာယကံ၊ ၀စီကံ၊ မနောကံ တစ်စုံတရာ မထားတော့ပါလို့ ကိုယ့်ကိုကိုယ် ဘုရားရှေ့မှာဖြစ်ဖြစ် အဓိဌါန်ယူလိုက်ပေါ့။ ဒါပြီးရင်တော့ တစ်ရက်တာလုံး သတိအထူးထားပြီး စိတ်ကို ရှင်းပေးရမယ်။
           ဒီရန်သူအတွေးတွေက ကိုယ့်သမာဓိကို လာစမ်းပါလိမ့်မယ်။ ၀င်လာ ပြန်ပြီ ဒီအတွေးတွေ ပြန်လိုက် ပါဦးနော်၊ ဒီနေ့တော့ အဓိဌါန်ထားလို့ လက်မခံနိုင်ပါဘူးလို့ သာချိုချိုသာသာလေးနဲ့ ငြင်းလိုက်ပါ။ အင်း ဒီလိုနဲ့ပဲ တစ်ရက်တာလောက် ကိုယ့်စိတ်ကလေး ရှင်းနေအောင် စောင့်ရှောက်နိုင်ရင် တော့ ဘယ်လောက် တောင် အကျိုးကျေးဇူးများမလဲ ကြည့်လိုက်ပေါ့နော်။ ဒီလိုနဲ့ သြော် ငါသည် ဒီနေ့တစ်ရက်တော့ ဒီရန်သူလက်က လွတ်အောင်ရုန်း နိုင်ပြီဆို ၀မ်းမြောက်လိုက်ပေါ့။ နက်ဖြန်လည်း ငါ ဒီရန်သူ လက်အောက်က လက်အောက်ကလွတ်အောင် ရုန်းရဦးမယ်ဆိုပြီး တစ်ရက်ပြီး တစ်ရက် စောင့်ရှောက် ကြည့်လိုက်ပါ။
          တစ်ပတ်လောက်ထိ အ၀င်မခံပဲ လွတ်အောင် ရုန်းနိုင်ရင်တော့ သူနဲ့ ကိုယ်ဟာ ကမ္ဘာခြားသွားသလို ခံစားရပါမယ်နော်။ နောက်ဆို သူက သူပဲ သူ့သဘောသူဆောင်ဖြစ်နေတာ။ ငါက ငါပဲ သူနဲ့ ငါက တခြားစီပါလားလို့ ခွာသွားနိုင်မယ်။ ဒါသည်ပင်ဥာဏ်နှင့် ခွာခြင်းပါပဲ။ တစ်နည်းတော့ လူပုဂ္ဂိုလ် အနေနဲ့ ရှောင်နေခြင်းထက် မကောင်းတဲ့ အကုသိုလ်တွေ အ၀င်မခံအောင် ဥာဏ်နဲ့စိတ်ထဲကခွာထားရမှာပါ။ တစ်ခါတရံမှာမစုတို့ဟာတစ်စုံတစ်ယောက် နဲ့ အဆင်မပြေတဲ့ အခါ သူနဲ့ ဝေးရာကို ရှောင်တတ်ကြတယ်လေ။ ဒါကအပေါ်ယံရှောင်ခြင်းပါပဲ။ အတွင်းစိတ်ထဲကရှောင်နိုင်မှသာ တကယ့် အောင်နိုင်ခြင်းဖြစ်မှာပါ။
          ဒါကြောင့် တချို့ကပြောကြတာရှိတယ်။ အင်းကိလေသာတွေနဲ့ ဝေးချင်ရင် တောထွက်ပေါ့လို့ ပြောတတ်ကြတယ်လေ။ တကယ်တော့ တောထွက်တယ်ဆိုတာ လူ့ခန္ဓာကြီးကတော့ တောထဲမှာ ထွက်သွား ပါပြီ။ ဒီတောထဲမှာ တစ်ယောက်တည်းထိုင်ပြီး ကိလေသာတွေ တွေးချင်တိုင်း တွေးနေမယ် ဆိုရင်တော့ ဒါဟာ တောထွက်ခြင်းအစစ်မဟုတ်ပါဘူး။ လူတောထဲကထွက်ခြင်းသာဖြစ်ပြီး ကိလေသာတောထဲက မထွက်နိုင်ရှာ သေးပါဘူး။ အမှန်တကယ် လူပေါင်းစိတ်ခွာ နေနိုင်ခြင်းသည်သာ နေရိုးနေစဉ် ပတ်ဝန်း ကျင် လူမူ့ရေးထဲမှာ လည်ပတ် ကျင်လည် နေရင်းက စိတ်ထဲဝင်လာသမျှ ကိလေသာတွေကို မောင်းထုတ်နိုင်မယ်ဆိုရင် ဒါလည်း ကိလေသာတောထဲက ရုန်းထွက်နေခြင်းပါပဲနော်။
          တစ်ရက်လွတ်အောင် နေနိုင်ရင် ငါတစ်ရက်တော့ တောထွက်နိုင်ပြီ လို့သာမှတ်ပါ။ လုပ်ရင်း ၊ ကိုင်ရင်း ၊ ပြောရင်း ၊ ဆိုရင်းက ၀င်လာတဲ့ သေနတ်သံတွေ နားစွင့်လို့ သတိကျည်ကာနဲ့ ကာကွယ်နိုင်ပြီး ဗြဟ္မစိုရ် နှလုံးသွင်းလေးနဲ့ ပြန်တိုက်နိုင်အောင် ကြိုးစားရမှာပါ။ နောက်ပြီး အရာရာ ကို ဆုပ်ကိုင်ဖို့ထက် စွန့်လွတ်ဖို့ စိတ်ကလေး ထားနိုင်ရင်တော့ တော်တော်လေးပေါ့သွားပြီနော်။
အင်း … ဘ၀ ၀ဋ်ကြွေးတွေက တောင်လိုပုံနေလို့ မို့ ပေးဆပ်နေရပေမဲ့ စိတ်ကလေးကို မခွာနိုင်ရင်တော့ ဒဏ်ရာတွေ အပြည့်နဲ့ အသေခံရတော့မှာပေါ့နော်။ ဒါဆိုရင်တော့ ညံ့ဖျင်းရာ ကျသွားတော့မယ် မို့လား။
          ဒီတော့ ကျနော်တို့အားလုံး ဘ၀စစ်မြေပြင်မှာ ၀င်လာတဲ့ ကိလေသာ ရန်သူမှန်သမျှကို သတိတရားနဲ့ အမြန်ဆုံး ဖယ်ရှားနိုင်အောင် ကြိုးစားကြပါစို့လို့ တိုက်တွန်းရင်းနဲ့ နေ့စဉ် “ကိလေသာ” တောက ထွက်မြောက်နိုင်သော ဥာဏ်ပညာတွေ တိုးပွားနိုင်ပါစေလို့ ဆန္ဒပြုလိုက်ပါတယ်

0 comments:

Post a Comment